Menos excelencia e máis cooperación.

 O éxito finés non está baseado na competividade, nin na excelencia, nin na uniformización, nin na comparación entre centros, nin na avaliación da calidade dos centros, nin na aplicación da organización de empresas aos centros de ensino. O éxito do modelo finés está baseado na COOPERACIÓN e na PREPARACIÓN TÉCNICA E HUMANA  do profesorado. Xa poden ir tomando nota os responsables da nosa Administración Educativa, que sempre poñen por exemplo estes modelos, e despois, seguen ao pé da letra a política educativa que se aplica na Comunidade de Madrid e que a súa presidenta, orgullosa do seu éxito, pretende estender a todo Estado.

 O texto que segue está tirado do suplemento La Voz de la Escuela do mércores 16 de novembro de 2011 e deixa as cousas ben clariñas.

Por que se converteu en líder Finlandia?

Fálase do sistema educativo finés como un dos  máis importantes do mundo. O director de cine Bob Compton decidiu montar unha película de sesenta minutos que leva por título  The Finland Phenomenon: Inside the World’s Most Surprising School System: Para iso utilizou os resultados da investigación feita polo profesor de Harvard Tony Wagner, que fixo entrevistas aos alumnos, profesores, padres e profesionais da Administración que explican os porqués do nivel educativo acadado nas súas escolas. Finlandia centra o bon funcionamiento das escolas nos seus profesores  non tanto nas avaliacións externas que son comúns  noutros países. Non busca a comparación entre diversos colexios, senón na formación dos seus profesores, e neles confía plenamente: niso está o segredo. E, para conseguilo,  manteñen activos dous puntos: un, a preparación técnica e humana do profesorado e, segundo, a necesidade cumprida de traballar en grupo, mellorando entre todos o seu labor docente.

PARA SABER MÁIS
■ http://www.salon.com/2011/07/18/tony_wagner_finland/

http://www.fluvium.org/textos/familia/fam201.htm

2 estudiantes de 15 anos no sistema educativo finés e español
Concepto	Finlandia	España
Curso	9º, o último da Ensinanza Obrigatoria	4º de ESO
Horas de clase	7 horas	7 horas
Horas diarias dedicadas a deberes	Media hora	2 horas
Total horas lectivas desde os 7 ata os 15 anos	6.126 horas	7.731 horas
Idiomas	Sueco, inglés, francés e otro optativo	Lingua natal e inglés o francés como optativa
Ingreso na Universidade	71 por ciento de los alumnos	50 por cento dos alumnos
Investimendo do Estado na súa formación obrigatoria	40.866 euros	35.155 euros
Soldo dos profesores	3.400 euros	1.800 euros
Custos para as familias	Gratuidade, mesmo na escola privada.	Gratuidad de la enseñanza pública, pero non de servizos complementarios, como comedor, material escolar e transporte. Conciertos educativos con centros privados non gratuítos.