O
final do verán volve ser para recuperar. Reviven xa os cursos PPO
dos setenta, para non perder as mil oportunidades de emprendemento
neste momento crucial.
Non
tes por qué saber qué era o PPO,
pero sábeno os maiores; de cando aquela acelerada reconversión da
man de obra dispoñible; indispensables entn para unha
industrialización e urbanización masiva de quen non habían ter
oportunidade de irse á emigración ou non pasaran practicamente pola
escola. Hoxe, temos evolucionado moito: sóbrannos parados de novo,
pero interésannos máis que nunca
a empresa pública, a escola pública e a sanidade pública.
Da súa marcha dependen os indicadores económicos que máis nos
pracen, agora que o emprender
por confirmar que sesos queccionesres aspiracins. Ver de sempre para
que os teus descendientes epiecen a situarse
dálle “vidiña” a case todo como obxectivo vital, sistema e
valor en alza; e cando existen nesas lindes cada vez máis
practicantes desta fe entusiasta e rompedora, denostada polos eternos
pesimistas. Déixate guiar pola prensa: din que ten limitacións,
pero non cesa de mostrarnos cumpridos exemplares, modelos de tan
elevado evanxeo redentor que, non só pasan olimpicamente do vanitas
vanitatis do
que tan preocupado se sentía o Eclesiastés
cara
ao 300 a. C., senón que se desviven para que este afán penetre
profundamente en cada elector.
Esperamos
que o verán revitalice
os nosos cursos PPO, rediseñados para estar onde corresponde. É
cando adoitan fraguarse algúns dos más prestixiados plans no
logrero escalamento dos valores máis cotizados. A Bolsa non
descansa: non pensarias só no bronceador; hai cousas más
importantes, como esas reunións familiares onde adoita falarse de
todo un pouco e que son moi aproveitables. Como sen xeito, os más
intelixentes terán aproveitado para planificar adecuadamente o
futuro dos seus vástagos. Xa deberías saber que máis do 50% dos
primeiros empregos que obteñen os nosos universitarios, teñen moito
máis que ver co que dan de si as relacións familiares que co que
realmente estuden. Non creas que é así desde que Wert toma medidas
para que este asunto sexa más redundante: este home só está
encargado de reforzar o de sempre. E ti debrías ser consecuente con
esa arraigada tradición de aproveitar as fortuítos encontros cos
amigos –fíxate ben con quen andas, por favor- para que os teus
descendentes empecen a situarse, e que máis tarde poidan ser
cooptados decentemente. Xúroche que este o modo máis perfecto de
ver cumpridas as túas mellores aspiracións: se segues esta regra
rudimentaria, satisfarás esa necesidade que tes de demostrarte
privilexiado, en plan low
cost
e sen o indispensable pedigrí doutros. Entendemos que crear é
imaxinar unha empresa produtiva e os xeitos de que o producido traia
algún benestar na contorna, moi arduo. Moito máis accesible é
estar preparado para conquistar algo que xa estea en marcha. Non
esixe demasiado esforzo persoal, imaxinación ou recursos materiais,
pero hai que estar listo no momento propicio. Ese o noso traballo:
xa nos ocuparemos de inculcar a estes cachorros as vantaxes dunha
empresa do que sexa. Indicarémoslles que aproveiten o posto que lles
deamos para que creen algunha, independentemente da súa utilidade; e
se xa existe e cumpre unha ben demostrada necesidade e ata é moi
eficiente, mellor que mellor: poñerémolo no brete de que se quede
co santo e a peana por calquera medio: alegal, legal ou
mediopensionista. Os nosos máis destacados emprendedores actuais son
deste cariz e non son poucos. E o mellor chollo, como verías visto
que repiten unha e outra vez os mellores xornalistas e reporteiros:
estes que filtran moi ben o que lles dicimos, porque saben que sempre
dicimos a verdade.
A
información que circula
polas redes sociais non sempre está acorde e sempre hai
incontrolados. Sabémolo moi ben e estamos niso. Pero también
entenderás que se houbese unanimidade absoluta, todo sería
demasiado incrible, e necesitamos a confianza dos demais. No entanto,
para desgusto de incorrexibles resentidos, España vai e ata se
recupera das malas herdanzas, como os nosos máis lúcidos voceiros
non deixan de proclamar porque os nosos datos dino. Temos unha gran
“saúde institucional e o bo é que que haxa certidumes e
seguridade”. Din outros que hai suborno, malversación e, sobre
todo, prevaricación, sen ver a ignorancia que nos corroe: cada vez
máis excelentes persoas recoñécense nesta educación herdada. Pero
xa o Informe PISA e a LOMCE están tratando de emendar este desvarío.
Son cousas que pasan, como digo, pola mala herdanza que, no tocante
ao educativo, todos temos. Xa que logo, iso non conta. Imos cara a
mellor: digan o que digan, estamos nas posicións máis altas da
enquisa do CIS deste pasado mes de xullo, e que, como nos terás
oído ultimamente, non se trata da terceira recesión, senón de que
“a recuperación é firme e cada vez más intensa”.
Volvendo
ao que che decía, nestes
novos cursos PPO pensamos en contornas profesionais moi atractivas
polas oportunidades que, neste momento, se xeran sen demasiado risco.
Garantimos competencias de alta cualificación e moi eficientes, ata
para situacións complexas en que o código penal puidese poñerse en
dúbida. Somos expertos en deixar a deontoloxía profesional a
recado, aínda que –como sempre- haxa quen dubide do non esixido
para desempeñar traballos en que o máis valorado é a confianza a
toda proba. Cando tan difícil é ter emprego, porque é un ben
escaso –como tan ben reflicte esta útima enquisa do CIS-, o certo
que tanto no privado como no estritamente público caben moitas
posibilidades de actuación produtivas a condición de que se
preserve esa confianza. Non sei se me segues… Por exemplo, en nome
do público en calquera das súas formas e institucións –do
exercicio político máis alto ou do meramente funcionarial
rudimentario- os máis decididos teñen xeitos de xogar ao escondite
con “ transparencia”. Iso de que todo, todo, estea á vista,
ningun o cre: por pudor e por tradición xudeo-cristiá, ¿non?
O
das “portas xiratorias”
entre público e privado –cun antes e un despois, ordenadamente
secuenciado-, a partir dos valores recoñecibles en moitas axendas de
“servizo” na cousa pública, xa está moi sobado. Temos, en
cambio, veciñanzas máis sutís -que os radicais protestóns non
entenden-, pero con moitas oportunidades para succionar ao máxim o
diñeiro dos orzamentos. Poñer en connivencia o privado e o público
é relativamente fácil, a condición de estar ben asesorado e niso
somos moi bos. Claro que é difícil facelo…, e que ás veces
váisenos a man. Pero para iso temos unha ampla gama de recursos que
mostren que non estabamos alí. Aí, os nosos cursos son moi intensos
porque, por moito que prediques métodos adecuados para salvar a
cara, sempre hai algún despistado que, no momento delicado, aflíxase
e dá marcha atrás. Por iso, aos intelixentes teimámoslles moito
neste punto: non sexa que nos deixen tirados … á primeira.
Aínda
hai algo mellor
que “as portas xiratorias” e que non está tan fiscalizado polos
fuchicadores. Os nosos más precavidos alumnos, cando chegaron ao
máis alto e adiviñan que non hai más percorrido por razóns
aleatorias, deciden contravenir as leis da física e dedicarse ao
esoterismo. Nunha das especialidades más demandada polos máis
selectos, insinámoslles a percibir os sinais de esgotamento e caída
dos cargos que poidan desempeñar; a lei da gravidade, vamos, pero
sen que esquezan que, se co que adoita gañar traballando non queda
máis remedio que ser virtuoso e aspiran a maiores rendas que as da
virtude, han de aproveitar o exemplo do bo administrador do Evanxeo:
bruxulear oportunamente para buscar onde situarse a bo resgardo
durante un tempo. O etéreo deste limbo esixe unha finura e elegancia
espiritual que convén desenvolver a tempo. Hai quen nace con iso,
pero moi poucos teñen oportunidade de alcanzar as mellores
proxeccións de tan larpeiras iniciativas. Xeradas para paliar o
decimonónico pánico das cesantías, adoitan consistir en relaxados
postos en niveis apartados do bulicio mediático, con moita moqueta,
orzamentos avultados e indeterminadas esixencias de eficiencia. Igual
que algunhas moi privadas iniciativas ben situadas, con posibilidades
inmensas de nutrirse indefinidamente do público. Despois dun tempo
vexetativo en tales criadeiros, os elixidos máis conspicuos poden
saír outra vez a exhibir as súas calidades imprescindibles para
algún proxecto posterior –que non póstumo necesariamente- a tan
sabia como nutritiva hibernación cíclica.
Case
todas as cidades ou concellos que se precian,
deputacións e autonomías –también o Estado central-, teñen a
man algún destes invernadeiros para a flor e tona de eximios
emprendedores, cuxo único mérito –recórdao ben- terse sabido
incrustar dalgún modo nun sistema amical que só nalgunhas minucias
significativas, que non veñen ao caso, contraven o modelo estudado
fehacientemente polo Profesor José Varela Ortega a propósito da
Restauración borbónica do último terzo do XIX. Nesta España en
que nos tocou vivir –e sen que sexamos unha reserva endógamica de
curiosidades evolutivas-, estes aparellos institucionais son o xeito
más frecuente para reproducirse na elite para quen se deixou educar
na acertada obediencia ao que se mande. Non me digas que non che
interesan estes cromos e que non queres que os teus prezados vástagos
alcancen a beneficiarse deles.
Aquí
chegan algúns consellos máis
e que isto non se alongue máis. Recoñezamos que é unha ordinariez
falar destas reviravoltas, pero como che digo unha cousa, dígoche a
outra. E ante todo, se ves a ocasión de situar ao teu fillo/a como
promesa emprendedora, apta para estes circuítos, non o dubides.
Convénceo pronto, iso sí, de que non se lle ocorra achegarse a
canto soe a Ciencias Humanas e Sociais xa neste curso que empeza.
Para nós é de mal agoiro: estes mozos son moi difíciles de
endereitar e adoitan entorpecer o seu proxecto de empregabilidade.
Por iso, terás moito futuro adiantado se previches desde a súa máis
tenra infancia que algo disto podería suceder. Xa sabes o moito que
temos traballando esta trincheira e terás oído aos nosos
contendentes e opositores que somos moi bos niso. Fai anos que
tentamos cambiar de raíz este lío pedagóxico da igualdade,
liberdade e diversidade educativas. Coa LOMCE xa temos, ata, expertos
afinando, máis profesionalmente, os xeitos de erradicar as malas
herdanzas. Un pouco máis ao temón do que hai que facer –“como
Deus manda”-, e pronto teremos un sistema educativo “excelente”,
moi bonito, e perfectamente limpo –máis barato, ademais, oe- para
que as túas mellores expectativas, tamén para os teus netos, se
vexan cumpridas. Sobran profesores e mestres en todos os tramos
educativos e, no afán de deixalo todo brillante como debe ser, xa
estamos quitando alumnos do medio: nin a educación infantil, nin a
ESO e esa educación profesional temperá doutros rapaces -tan pouco
homologables aos da ta familia e os teus-, nin menos a universidade,
serán obstáculo para que a túa xente chegue, sen líos
impredicibles, a situarse onde debe. Queremos a túa satisfacción:
pagas o teu –que che rebaixaremos- e os bos mozos do MEC e as
Autonomías cumpren amplamente o seu. Non me digas que non é para
estar agradecido nunha época de crise como esta. Non viches que en
Sanidade estamos deixando perfectamente niquelado o que había? E en
Xustiza, e en tantas outras cousas…?
Se
decidiches compartir o noso afán, podes
sacar algunha vantaxe engadida: experto en politoloxía. Non
descansarás moito, pero poderás analizar e catalogar os movementos
dalgúns dos nosos mellores alumnos. Este final do verán
especialmente apto para aprender das súas xogadas posibles nun
panorama incerto, pleno de intrigantes dimes e diretes ante as cifras
do CIS e outros augures demoscópicos. E é que en setembro non sóo
empezará outro curso académico máis: tamén haberá eleccións no
seu momento más arduo, ¿non? Todos, non só eles, estaremos ante
unha situación dubitativa existencial para a que as precaucións do
Eclesiastés
–Cohélet
para os xudeos- soarán a pouco: “Todo ten o seu momento, e cada
cousa o seu tempo baixo o ceo: o seu tempo o nacer, e o seu tempo o
morrer; o seu tempo o plantar, e o seu tempo o arrincar o plantado…
O seu tempo o chorar, e o seu tempo o rir; o seu tempo o lamentarse,
e o seu tempo o danzar…” (3,1-8). Pois iso, sé previsor: non
che indignes a destempo”.
TEMAS:
Enquisas CIS, Emprego, Corrupción, Empresa pública, Escola pública,
sanidade pública, LOMCE, Información económica, Política,
Indignación, Eleccións.
Manuel
Menor Currás
Madrid,
28/08/ 2014