Os
inicios de conversacións entre Cidadáns e PP deixan fóra as
cuestións que máis afectan á cidadanía. Só tocan algunhas que
farían máis contraditoria a Administración do Estado.
Avanza
agosto impertérrito: excedemos cada día os 30 grados e xa pasan de
230 os que leva con Goberno provisional esta España en permanente
transición. Polo menos en aparencia, non pasa senón o que en agosto
adoita pasar: cansazo e modorra, entre incendio que crece e brasas
que se apagan ata que volven ser activadas nalgunha paraxe máis ou
menos próxima. Nesta provincia do sur galego, un responsable da
prevención contaba fai catro días o éxito de que, de momento, só
levasen ardidas 500 Hectáreas, mentres noutra lindante roldaban xa
as 6.000 e era impredicible o final dun foco principal.
Asombro
Desde aquí, e neste
agosto agobiante, é raro que á xente maior con que un se atopa
-esta é zona con escolas infantís que se pechan-, se lle ocorra
conversar sobre o novo Goberno ou Lexislatura entrante, coma se de
algo urxente se tratase, fronte a unhas terceiras eleccións
posibles: din non falar de política, aínda que si mentan de contino
as súas pensións minguantes. Nada impide, con todo, os ecos, case
sempre afastados, dalgunhas emisoras de radio nin o dos diarios
dixitais da omnipresente Rede que, oídas ou lidos neste contexto,
non poden por menos de percibirse con cansazo indubidable, moitas
veces con sorna, bastantes con alarma e, algunhas, con curiosidade.
Percíbese mellor os que baixan a voz como sinal de importancia ou de
estar no segredo, aínda que o máis frecuente sexa a ignorancia, a
miúdo non exenta de estupidez.
Desde este recuncho,
é moito máis asombroso que teñan que pasar case dous terzos dun
ano para que aínda sexa un misterio que tipo de Goberno se vaia a
formar se logra formalizarse no que queda do verán. Non deixa de
sorprender, ante todo, que a última gran noticia relacionada con tan
grave cuestión consista nun conxunto de seis precondicións impostas
por Cidadáns para unhas primeiras conversacións co PP. Os seus
enunciados non poden ser máis lixeiramente xenéricos e, por outra
banda, chama a atención que só toquen cuestións relativas a un
funcionamento da Administración en aparencia menos transixente con
corruptelas e corrupcións cuxos procedementos son vergonza flagrante
para o Estado e que, de seguir existindo, dificultarán gravemente a
aceptación do seu funcionamento.
Sorprende, de
inmediato, que non haxa outras cuestións previas a discutir antes
dun probable pacto. Talvez a Cidadáns lle soen ben, xa que logo, as
políticas levadas a cabo polos seus máis que probables novos socios
no Goberno central. Probablemente nacesen para facer máis dixerible
o inmobilismo intransixente dos seus, agora, pretendentes. O cal, por
outra banda, axúdanos a entender con máis claridade que importa
realmente a estes dirixentes políticos nas escenas primeiras destes
escarceos, supostamente anticipo doutras de máis miga
.
Nos seus cálculos
inmediatos non entrou ningún dos problemas que máis anguriaron aos
cidadáns, sobre todo aos máis castigados por unha crise que os está
deixando non só máis débiles, senón máis desesperanzados con que
da política lle poidan vir remedios aos seus problemas e aos dos
seus fillos. Ningunha referencia hai aquí ao paro e desemprego,
ningunha, xa que logo, ás reformas laborais que tanta precariedade
laboral e salarial induciron. Ningunha, tampouco, ás outras leis
causantes de inacabadas protestas nestes anos e, entre elas, ningunha
alusión significativa á LOMCE ou os seus decretos, paralelos e
concordantes en espírito e intencionalidade cunha acelerada
“desmellora” do ensino público de todos nos diversos niveis.
Soberbias
É esta, por iso -e
pese aos cantos de xúbilo que xa se empezaron a entoar en vésperas
de nupcias pregobernamentais-, unha desas ocasións en que intentar
ser cidadán honrado coas obrigas democráticas de igualdade fai
sentirse non só ninguneado senón, ata, envilecido. Non existía
aínda ese breve conxunto de cuestións de aparente transparencia e
xa activaron a maquinaria que presionase á opinión pública a fin
de que se puxese de perfil ante estas propostas lampedusianas do
cambio inmóbil. Todos debiamos presionar a terceiros partidos para
que amplificaran o evento, polo menos coa abstención: só falta que
algún santón do pasado encabece unha manifestación pola rúa de
rogativas propiciatorias.
Para todo cidadán
haberá de ser bochornoso, xa que logo, disentir de canto sucedeu no
transcurso destes catro longos anos de total maioría parlamentaria.
Incuestionable ha de quedar que sexa contraria a canto non fose
antollo proclive a ese selecto conservadurismo, tan propio para
ampliar as múltiples asimetrías existentes. Porque esta xente
exerce diversas soberbias na súa constancia por deixar aos demais ao
carón: a de crerse elixidos non polos seus conciudadanos senón por
unha especie de Providencia cega; a de interpretar que o Estado son
eles e máis nada que eles, o que lles daría dominio exclusivo sobre
canto se move; a de querer dar a volta á historia da rebelión do
Terceiro Estado case a finais do XVIII; a de prolongar, en fin,
prepotencias de sempre. Aí están, para confirmalo, os infinitos
casos de corrupción explícita e implícita, por acción e deixación
constante de responsabilidade cara ao público; as que veremos en
xuízo e as que prescribirán máis pronto que tarde.
Neste momento, só
añoran unha última soberbia, a de acaparar seguidores de Facebook
ou Instagram, como moitos creadores de tendencia aos que consenten as
firmas de moda. Por descerebrados e inconsistentes que sexan os
videos que colgan constantemente en Rede, ninguén quere deixar de
chegar aos seus preciados devotos. Seguro que aos firmantes destes
pasos previos a un acordo de investidura lles encantaría ter de
contino 20 ó 22 millóns de visitantes fieis: é o que lles falta ás
súas ocorrencias que, así, serían xustificables de xeito máis
absoluto. Pouca educación, e de baixo custo, requírese para que
este soberbio obxectivo estea plenamente operativo.
Xestos e palabras
Pero tamén esta é
boa ocasión para decatarnos mellor do mundo en que estamos inmersos
e non deixarnos cegar.
Os xestos traslúcidos
estes días contrastan claramente coas belas palabras que nos dicían
en campaña electoral. Seguímolos vendo excesivamente a eles e as
súas poltronas, mentres os problemas cívicos están podrecendo. E
non parece que vaia a ter pronto remedio este contrasentido. Existe
un misterioso pracer en repetir secuencias pasadas de claro desafecto
ao sentir e vivir común, ou en que as palabras máis prezadasr da
convivencia compartida deban ser terxiversadas e agostadas: así é a
Historia de repetitiva. Aínda que existen os incendios de bombeiros
pirómanos, sería un alivio, en todo caso, entrever que, coa chegada
aos linderos de setembro e os seus quefaceres ordinarios, esta
tendencia principal do mes de agosto actual sexa fugaz e que, ao fin,
todo cambie de orientación como o vento.
Sen maior esperanza
para o transcurso dos anos e lexislaturas que veñan, sería bo poder
iniciar pronto o paladeo dese cambio de tendencia ou, se queren, o
retorno a iso que algúns din acontecer nos tempos daqueloutra
Transición,,,, se é que así foi.
Manuel Menor Currás
Ourense, 15 Agosto 2016