Manuel Menor
Currás
Non pode
negarse que o novo superministro Wert sexa bo comunicador. Sabe fiar con
desenvoltura de tertuliano un hábil relato acomodaticio para pór sobre a mesa o
seu proxecto. Combina niso moderación con aparente modernidade e, ata,
intelectualidade. Con todo, a voz, o sorriso, a ductilidade do seu verbo son
incapaces, de ocultar inflexibilidade. Tocoulle facernos entender -cando
compareceu no Congreso- que o que se trae entre mans para a educación española
é o mellor, pero non se desvía un chisco do esquema prefixado, un deseño en si
mesmo inmutable e ancestral. Aínda que tamén é verdade que ben podería vender
outra cousa, moi distinta da que lle dixeron que ten que vender.
A modo de concesión graciosa dixo non querer impor a maioría de deputados de que dispón, para marcar co seu nome no BOE outra Lei orgánica. Opta -di- polo diálogo transaccional cos outros grupos parlamentarios. Acto seguido, malia todo, debulloulles un cúmulo de cambios tal que, na práctica, equivalen a unha nova lei, por máis que soñe con acadar un pacto educativo. Un pacto ignorante doutras propostas de pacto que non foron e cunha planificación cuxo diagnóstico, só contrastado consigo mesmo e as indicacións de FAES, é que hai unhas cantas cousas que cambiar e que as vai cambiar porque si. Mal modo de dialogar parece.
A modo de concesión graciosa dixo non querer impor a maioría de deputados de que dispón, para marcar co seu nome no BOE outra Lei orgánica. Opta -di- polo diálogo transaccional cos outros grupos parlamentarios. Acto seguido, malia todo, debulloulles un cúmulo de cambios tal que, na práctica, equivalen a unha nova lei, por máis que soñe con acadar un pacto educativo. Un pacto ignorante doutras propostas de pacto que non foron e cunha planificación cuxo diagnóstico, só contrastado consigo mesmo e as indicacións de FAES, é que hai unhas cantas cousas que cambiar e que as vai cambiar porque si. Mal modo de dialogar parece.
Para facer
máis dixerible a súa proposta reformista, non dubidou en ordenar unha secuencia
de datos estatísticos ben amañada para que resultase necesariamente crible e
ata urxente. Da crise ao paro, e do paro ao fracaso escolar e ao baixo nivel
educativo, hai moitos camiños de ida e volta, sen que a unidireccionalidad
interpretativa escollida polo Ministro sexa a máis pertinente cientificamentee.
Sen dúbida, é a máis conveniente pro domo
sua, pero cabe con maior razón unha interpretación absolutamente oposta,
para profundar e dotar mellor medidas que xa están en marcha, no canto de
arbitrar outras que corten un camiño que estaba producindo bos resultados. Son
varias as comunidades autónomas -e non precisamente a de Madrid, que toma como
referencia- as que sacaron moi bos resultados co actual sistema, asunto que
puido confirmar escoitando a algúns dos que lle replicaron na mentada
comparecencia. Nisto, o Sr. Wert demostrounos algo que xa sabiamos: que os
axentes demoscópicos len a realidade á medida de quen lles faga o encargo.
Existen outras moitas lecturas -tamén do manipulado Informe PISA- que din
cousas ben distintas ás que se empeñou en dicir, pero que lle obrigaron a
centrar a atención en problemas relevantes para mellorar de verdade o noso
sistema educativo. En todo caso, mal preludio é para un anhelado diálogo leal
empezar por terxiversar as leis da lóxica con sofismas e mañas interpretativas.
Se ademais se empeña en reescribir con tópicos a historia educativa de todos
estes anos pasados, ao adanismo redentor de que fixo presuntuosa gala pronto unirá
ás dificultades de implementación que teñen algunhas das medidas apuntadas, a
nula eficiencia das mesmas e o rexeitamento escéptico dos afectados máis
xenerosos, especialmente dos empeñados no logro da igualdade democrática neste
ámbito.
A aparente modernidade
de canto quixo mostrar no Parlamento o Sr. Wert -de maior nivel, desde logo, do
que o fan outros gobernantes da España autonómica- quedou en todo caso ben
definida polas súas achegas decisivas para defenestrar a materia que a última
Lei Orgánica definira como Educación para a Cidadanía. Esta parte da súa
intervención quedará nas Actas do Congreso como un fito documental. Os que investigan
a historia educativa do noso país coñecen similares momentos estelares para
entender como andamos de avanzados en 2012. Son abundantes. Algúns hai nas
agora conmemoradas Cortes de Cádiz -con debates tan significativos como o da
Liberdade de Imprenta, a supresión da Inquisición, ou a soberanía nacional-,
pasando polos sucesivos catecismos patrióticos, os Concordatos e, como non, o
que os afáns indoctos trouxeron ata xa avanzada a Transición. O Sr, Ministro
non parece coñecer nada disto e ata o que naquel transo propuxo o Goberno de Suárez para o ensino da
Constitución do 78 e que moitos profesores melloraron. Se o coñece, débelle
parecer excesivamente avanzado. Se non soubésemos como foi manipulada a
información sobre Educación para a Cidadanía desde a penúltima lexislatura -
nin os que eran os seus instigadores e agora beneficiados-, non nos pareceu
obsceno e gratuíto que volva agora a esgrimila como símbolo de “adoctrinamiento”.
Ata parecería divertido que, para confirmalo, os seus asesores lle fixeron
pasar por libro de texto o que tan só era un meritorio ensaio, que nada ten que
ver cos libros de texto nin -como se quixo emendar- cos habituais nunha
biblioteca escolar.
O tipo de
lecturas como a que esgrimiu o Ministro, dunha pasaxe deste libro (FERNÁNDEZ
LIRIA, C., FERNÁNDEZ, P., ALEGRE, L., Educación para la ciudadanía, Madrid,
Akal, 2007) -que, por outra banda, foi moi crítico, pero en sentido contrario
ao do Sr. Wert, co modo en que se configurou na práctica esta materia-, pronto
lle deberá levar a censurar os libros de Historia -e os documentos de época que
acompañan o seu deseño curricular-, e non digamos os de Filosofía ou
Literatura. Xa postos, se é consecuente consigo mesmo, sería moi oportunista
agora: recortar o que os estudantes non deben ler e o que a liberdade de
cátedra parece ter de excesivo é máis barato. Á marxe de que intencionadamente
queira pór en primeiro plano EPC, como trampantojo
para coar mellor cambios substantivos como o dun novo Primeiro de Bacharelato -moi
frutífero en posibles subvencións á escola privada e moi selectivo para a
desigualdade de oportunidades-, non deixa de ser un mal paso no presunto afán
de diálogo esta chuscalleira metodoloxía
do “todo vale”. E, doutra banda, mal empeza esta lexislatura en asuntos de
educación, se por tal entende o Ministro e os que o desinforman que este negociado tan só debe
ocuparse dos coñecementos puros e duros, sen que nada teña que preocuparse das
competencias educadoras que os mellores pedagogos asignan á ESCOLA. Claro que
tamén isto sae máis económico.
A este paso, talvez en futuras comparecencias -con moito sorriso e pouca graza- nos volva o Sr. Wert con algunha outra vella novidade, como a daquel glorioso asunto da Historia de España e as Humanidades, que tanto xogo deu para a exaltación mediática da súa antecesora, Dna. Esperanza Aguirre, e que tan nulos froitos trouxo para que a última xeración de españolitos coñeza ben a nosa Historia. Ao escandalizado novo ministro -independente?- seguramente lle poida convir retomar de novo aquel mantra, para reafirmar os valores e esencias ao parecer esquecidas. Explicalas ben pode, asemade, non ser do agrado da autoridade competente que lle encargou vixiar a boa doutrina: propoña celebrar a festa do libro nos institutos -asunto en que igualmente é competente- queimando aqueles que un grupo de censores habilitados considere improcedentes. Todo sexa por lograr, a pouco custo, inocentes amnésicos, atentos ao que diten os comunicadores oficiais bos.
A este paso, talvez en futuras comparecencias -con moito sorriso e pouca graza- nos volva o Sr. Wert con algunha outra vella novidade, como a daquel glorioso asunto da Historia de España e as Humanidades, que tanto xogo deu para a exaltación mediática da súa antecesora, Dna. Esperanza Aguirre, e que tan nulos froitos trouxo para que a última xeración de españolitos coñeza ben a nosa Historia. Ao escandalizado novo ministro -independente?- seguramente lle poida convir retomar de novo aquel mantra, para reafirmar os valores e esencias ao parecer esquecidas. Explicalas ben pode, asemade, non ser do agrado da autoridade competente que lle encargou vixiar a boa doutrina: propoña celebrar a festa do libro nos institutos -asunto en que igualmente é competente- queimando aqueles que un grupo de censores habilitados considere improcedentes. Todo sexa por lograr, a pouco custo, inocentes amnésicos, atentos ao que diten os comunicadores oficiais bos.
Madrid, 04/
02/ 2012
No hay comentarios:
Publicar un comentario