La Voz de Galicia
Os nenos, que son como esponxas, xa non din
aquilo que de maiores desexarían ser bombeiros, policías ou futbolistas.
Iso era antes. Agora, sobre todo os máis vagos, sóltanlle á cara ao
proxenitor de quenda que a súa verdadeira vocación é a de ser político,
pois segundo se di no colexio, non dan pau á auga e cobran máis que
ninguén. Outrora, tampouco fai moito diso, metíase en política a xente
realmente preparada, aínda a pesar de que iso lles supuxese un
importante quebranto nos seus ingresos. Todos adoitaban ser profesionais
de prestixio que optaban por dedicar uns anos da súa vida a contribuír
ao benestar xeral, para, unha vez desempeñada o seu labor público,
regresar aos seus magníficamente remunerados postos de traballo.
Non crean que isto é malo, pois así se evitan
tentacións de pór o cazo. Pola contra, hoxe en día, e por suposto sen
xeneralizar, moitos dos nosos representantes métense en política,
literalmente, porque non teñen outro recurso dada a súa escasa
cualificación profesional. Mentres isto siga sucedendo, as cousas
seguirán indo como van. ¿Alguén no seu san xuízo cre que España necesita
400.000 políticos, o dobre dos existentes en Italia ou Francia? Os
recortes teñen que empezar por eles.
No hay comentarios:
Publicar un comentario