Sobre a situación dalgunhas ensinanzas aquí en Ourense pola que estamos loitando todas as OOSS que estamos na Xunta de Persoal de Ourense.
No CIFP Portovello elimínanse definitivamente a
educación presencial de persoas adultas nos ciclos de ATENCIÓN A
PERSOAS EN SITUACIÓN DE DEPENDENCIA, ciclo superior de EDUCACIÓN
INFANTIL, e ciclo superior de ADMINISTRACIÓN E FINANZAS.
O curso
pasado a consellería xa intentara eliminar as ditas ensinazas pero logo
das mobilizacións de alumnado, comunidade escolar e apoiadas por
amplos sectores da provincia a consellería dera marcha atrás e os
ciclos seguiron ofertándose na nosa provincia. Este curso a
consellería volve á carga e os eliminan definitavamente. Como
agravante está o feito do desequilibrio territorial pois OURENSE
sería a única provincia sen unha oferta completa nestas tres
modalidades. Como consecuencia das mobilizacións que se levan
efectuado neste final de curso comprometéronse a estudar "o
tema" (moito nos tememos que se estea aproveitando o inicio do
verán para intentar a desmobilización -estratexia repetida da consellería-).
No Conservatorio de Música Superior dende hai dez
anos a demanda de prazas o conservatorio de Ourense non se está
a cubrir (este ano hai 120 prazas de demanda e a oferta son 33 ), era
só cuestión de tempo que a iniciativa privada aproveitase o nicho
de negocio. Neste mes a Consellería de Educación dá permiso para
que se abra un conservatorio privado nas instalacións de Maristas
con 280 prazas. Como sabedes a LOMCE abre a posibilidade de que por
interese social se concerten ensinanzas non obrigatorias, moito nos
tememos que nos próximos cursos camiñemos na nosa cidade cara a
concertación deste conservatorio e a adxudicación a esta
entidade do Bacharelato Artístico pola rama musical xa que terían
profesorado que o podería dar. Nesta última semana as OOSS levamos
traballando da man para pedir a consellería que cando menos a demanda
do conservatorio público se cubra con prazas no ensino
público. Seguimos na loita e para iso propoñemos dúas inicitivas:
- Asinar este change.org que abriron as nais e pais do alumnado afectado: https://www.change.org/p/xunta-de-galicia-conseller%C3%ADa-de-educaci%C3%B3n-e-ordenaci%C3%B3n-universitaria-mais-prazas-para-o-conservatorio-de-m%C3%BAsica-de-ourense
- Acudir, as persoas que poidades, á concentración que terá lugar na porta da Delegación o luns 27 á unha da tarde xa que a dirección do centro vai ter unha reunión coa XT a esa hora e nos piden que os apoiemos acudindo ás portas da delegación.
Como vedes, seguen os recortes e a progresiva
privatización do ensino.
Un saúdo.
STEG Ourense
No hay comentarios:
Publicar un comentario