5.
Como pode sustentarse un proxecto sobre un aspecto tan descualificado
polos estudos internacionais como a repetición de curso?
Unha das cousas máis sorprendentes da lectura do proxecto é a obsesiva
reiteración da repetición de curso nos diversos niveis educativos. Ata o
momento non parece que o ministro Wert se preguntara sobre as causas que
obrigan aos alumnos a repetir curso (ao parecer abonda con que non
respondan ás expectativas das diferentes avaliacións e probas), pero
cabe preguntarse se a repetición se produce porque temos un currículo
enciclopédico inadecuado, ou porque o tempo que se dá para cursalo non é
suficiente para un número importante de alumnos, ou porque pesen
circunstancias persoais e familiares desfavorables de orixe
socioeconómica ou cultural. En todo caso, a repetición non é a solución.
Sucesivos estudos nacionais e internacionais sinalaron que a alta taxa
de repetición en España non conduce ao éxito escolar. En realidade, aos
alumnos non se lles recupera, senón que se lles castiga e estigmatiza.
Finalmente, a pesar do entusiasmo do ministro polos estudos
internacionais, esquece un moi recente da OCDE, xa citado, no que, para
previr o fracaso escolar, recomenda, entre outras medidas, eliminar a
repetición de curso: A repetición de curso é custosa e non mellora os
resultados educativos. E entre as alternativas que propón cítanse as
de previr as lagoas de aprendizaxe durante o ano lectivo; permitir un
pase automático ou limitar a repetición a materias ou módulos reprobados
proporcionando un apoio especial; e favorecer un cambio cultural contra
a repetición.Pero, claro, as medidas de reforzo e de apoio ao
profesorado esixen recursos: é máis fácil facer cargar a repetición
sobre o alumnado.
6. Como se pode pretender que por adiantar a elección de itinerarios na E.S.O. se vai reducir a taxa de abandono escolar?
Neste punto clave da reforma ponse de manifesto algo que é connatural á
mesma: a selección e consecuente segregación do alumnado, así como a
falta de igualdade de oportunidades. Adiantar a 3º de ESO a elección de
itinerarios significa que unha parte considerable de estudantes só
conseguirá un simple Certificado de Estudos, ou, no mellor dos casos,
unha Formación Profesional Básica, xa que os Programas de mellora da
aprendizaxe que se propoñen non permiten, como no caso dos actuais
Programas de diversificación curricular -que esta lei suprime-, o acceso
directo ao Título actual de Graduado en Educación Secundaria. O certo é
que a segregación temperá do alumnado nos retrotrae ao sistema
educativo anterior á Lei Xeral de Educación de 1970; por outra banda, o
acceso á Formación Profesional que se propón corre o risco de
converterse nunha fórmula para empregar aprendices sen salario. En todo
caso, os cidadáns españois deberían saber que moitos dos seus fillos van
ter desde moi cedo grandes dificultades para proseguir os seus estudos
no sistema educativo. Estes alumnos, xa que logo, non abandonan,
sinxelamente expúlsaselles do sistema e, en consecuencia, van aumentar
as taxas de fracaso e de abandono.
7. Como se vai a pór en práctica o sistema de formación dual na Formación
Profesional se o Estado e as comunidades autónomas están levando a cabo
grandes recortes en educación e as empresas non manifestaron nunca a
intención de financiar activamente esta modalidade de ensino?
O texto normativo confesa que se pretende canalizar unha proporción maior de estudantes cara á Formación Profesional e facilitar as vías de acceso aos graos de formación profesional. Todo o mundo coincide en que a Formación Profesional segue sendo a materia pendente do sistema educativo e produtivo español, pero de aí a converter o sistema educativo nun auténtico sistema dual hai un gran treito (financeiro) que non parece que nestes momentos se poida conseguir. Hai que ter en conta que o financiamento do sistema dual alemán que se propón implantar corre a cargo das empresas fundamentalmente, o que resulta de moi difícil aplicación en España onde unha porcentaxe amplísima do tecido empresarial constitúeno as pequenas e medianas empresas, sen que as grandes empresas manifesten, que se saiba, o seu desexo e a súa vontade de colaborar financieramente nesta implantación. Resulta moi pouco realista pensar que as PEMES vaian financiar a formación dual; a dificultade a priori desta posibilidade parece garantida, máxime se se ten en conta que este asunto non é de exclusiva competencia do ministro Wert senón que é compartida co Ministerio de Emprego. (CONTINUARÁ...)
No hay comentarios:
Publicar un comentario