Hai unhas horas o recorte do Erasmus era
ineludible porque non había fondos. Así o dixo Wert. Cando pais,
profesores, alumnos, universidades, partidos, comunidades, Europa e
colegas populares uníronse para denunciar a afronta, o ministro atopou o
diñeiro que lle faltaba para poder seguir coas bolsas. É a teoría que
algúns mantemos. Que os ataques á educación non se sustentan nun
problema de recortes ou austeridade. Porque facemos pagar os comedores
escolares aos parados e gastámonos o que non temos en partidos,
sindicatos, televisións, organizacións empresariais, esmorgas e pensións
vitalicias. Esta non é unha cuestión de aforro, por moito que queiran
convencernos. As permanentes acometidas e agresións á educación por
parte deste Goberno teñen que responder a outro problema. Porque aínda
aceptando que a economía vai como vai, non é necesario atacalo todo e
esnaquizalo todo. Wert e Mariano van pasar á historia como os wertdugos da educación en España. Os que a levaron ao wertedero a unha velocidade wertiginosa.
O malo é que a decenas de miles de españois, os mesmos que lles pagan
as vacacións, están a esnaquizarlles o futuro. Wert sabe por que fai o
que fai. Leu a Confucio. E xa alá polo 500 a. de C. Confucio dicía que
«onde hai educación, non hai distinción de clases». Esa é a explicación.
No hay comentarios:
Publicar un comentario